Despois dunha mala xornada a fin de semana pasada onde só houbo de positivo o punto que trouxeron os Veteranos do campo da Finsa de Santiago, o CF Cire de Melide afronta esta fin de semana, a última de outubro, coa ilusión de mellorar e competir mellor do que o fixo ata o de agora, ÁNIMO RAPACES¡¡¡
Os xuvenís debutan hoxe no campo do Cambre en partido adiantado da 2ª Autonómica Grupo II, os benxamíns de fútbol sete xogarán o sábado ás 11.30 h en Melide fornte ó Ordes no segundo partido que disputan como federados, os veteranos coa ausencia destacada de COEGO (te queremos) que vai ter que pasar polo quirófano (brevemente) para operar unha pequena hernia (e aínda por riba enganounos a todos dicindo que era de Bilbao) reciben en Melide o sábado ás 17.45 ó Kubos-Cercio e para rematar a xornada o domingo ás seis da tarde no campo da Grela II na Coruña, o Cire de modestos visita o cuadro do Ventorrillo, a Silva, un posto por riba noso con seis puntos, A GAÑAR RAPACES E FORZA CIRE ¡'¡'¡¡

Mal fin de semana.
Xa comezaba mal o venres, xa que en partido amigable contra o C.C.D Curtis en Melide, os nosos xuvenís caían por 1-2.
O sábado era o turno dos Veteranos que viñan de gañar fora co Bergantiños e tocáballes xogar perante os Veteranos do Compostela, invictos na competición.
O resultado foi 0-3, engañoso a todas luces. Na primeira metade o único erro defensivo do equipo pagouse caro e foi aproveitado polos composteláns para abrir o marcador.
Balón longo á espalda da defensa, a zaga melidá reclama fóra de xogo, Conde (o sábado ocupando a portería) sae a por todas, non é quen de rabuñarlle a bola o dianterio branquiazul e este caseque a portería baleira marca, mazazo para o Cire, que estaba dominando pero non atopa a profundidade no seu xogo.
Á volta do descanso o Cire saíu a polo partido, cecais con demasiada ansia e con moita presa, o Compostela mantívose ben colocado e non pasou excesivos apuros, noutra xogada parva chegaba o 0-2 e xa co Cire volcado na área visitante veu o 0-3 nunha xogada individual dos foráneos.
A alineación de Carril foi a seguinte: Conde, Rallas, Benito , Rubén, Cea, Neira, Cuchi, Quillo, Madrileño, Ramoncito, e Emilio, tamén xogaron Elier, Carlos, Coego, Armando, Riki, Carlos Cristal, Cachitas, Marcial, Capi, Pinchi e Miguelito. Faltaban: José, Sito, Silva, Masi, Pezobre e Alberto. Para a semana partido contra o FINSA.
O domingo os Seniors viaxaban a terras de Culleredo para enfrontarse á relevación, ata o momento, na 2ª Autonómica Grupo 1,o Portazgo.
Como novidade no once azul, á volta o centro da zaga dun grande o mestre Carlos Cordido.
A alineación de Luis Eugenio foi a seguinte: Perilla, Luigi, Suso, Charly, Chiki, Peke, Alberto, Fernando, Jechu, Toñito e Miki. No banco, Rouco, Kike e Buján.
1-0, para os locais foi o resultado final. Comezaba o partido co Portazgo moi metido no encontro e querendo acadar gol o mais antes posible cousa que Perilla non permitiu con acertadas intervencións.
A medida que pasaban os minutos o Cire asentábase no campo e a pesares de non ter profundidade semellaba cómodo no campo.
Cando parecía que podería vir o tanto dos de Melide, nunha xogada aillada ó Portazgo lanza un balón a banda dereita que é aproveitado por Pablo Porto para engatillar dentro da área un gran disparo que se introduciu pola escadra a pesares de que foi tocado por Perillla.
Á volta do descanso o Cire seguiu traballando e intentando buscar o empate, andivo moi cerca nunha doble ocasión que os azuis marraron cando xa se cantaba o gol.
O Portazgo demostrou ser un conxunto moi aguerrido e loitador, e a pesares de quedarse cun home menos por expusión, dificultanba as xogadas creativas do Cire que tiña que buscar balóns longos, con pouco éxito. Co Cire volcado na búsqueda do empate poido chegar a sentencia do Portazgo en varias contras. Ó final os tres puntos quedaron no Carrizo e o Cire ocupa agora o terceiro posto pola cola e recibe o domingo ó Victoria da Coruña, o pechacancelas da categoría a pesares de ser un equipo chamado a estar nos postos altos da liga.
O resultados da xornada confirman o xa sabido, liga moi igualada calquera gaña a calquera.
Ocupamos por primeira vez na tempada, e agardemos que sexa a últma, postos de descenso directo polo que hai que facer piña, conxurarse e entre a afición e a plantilla buscar a victoria contra estes mismos o domingo que vén en Melide, xuntos PODEMOS¡¡¡ Forza rapaces isto é unha carreira de fondo e acaba de comezar¡¡.
Coma nota triste do partido hai que reseñar a lesión de Suso Pampín ó recibir un cobadazo, partiu o nariz. O xoves será operado. Ánimo Suso e é mellor que te operen os médicos antes de que cha compoña Rouco, como el tiña pensado ;)
Crónica feita dende o blog do Portazgo picando aquí

CIRE-BREXO LEMA 1-2
Na pasada tarde do domingo o Brexo Lema levouse os tres puntos do Municipal melidense.
Escomenzaba o partido moi ben para o Cire cun golazo de Peque despois de enganchar o balón na área cambresa e propinar un zapatazo por toda a escadra.
A mala fortuna fixo que un despiste entre Perilla (que volvía a portería despois da lesión) e Suso o aproveitase o Brexo para poñer a igualada no marcador.
Co empate a un chegouse ó descanso, o Cire non atopaba o seu xogo e pese a insistencia melidá o Brexo voltou aproveitar outro erro dos melidenses para levarse o encontro.
O vindeiro partido será no Carrizo, o campo do Portazgo, na Coruña, o domingo ás 16.30 h. Ánimo rapaces que esto acaba de empezar e queda moito¡¡¡
Pd: Está liga de 2ª Autonómica promete ser moi bonita debido a igualdade, o último clasificado que é o Arzúa está a unha victoria dos postos nobles, o dito mais igualdade imposible, por arriba o Olímpico non cede e o Imperátor tamén parece que vai en serio.

BETANZOS "B" 3- CIRE MELIDE 2. 21/9/08


A cidade dos cabaleiros de fondo.

Partido disputado ás 12.15 da mañá

Foto fallida da alineación do Cire, primeiro sacoulles unha foto o fotógrafo do DéporSport, eu cheguei tarde.

O Cire nunca camiña só.

Cando aprenderan que Mellid non existe.

RETRINCOS DOS XORNAIS DxT e DéporSport con relación ó primeiro partido de liga correspondente a Segunda Autonómica Grupo 1, CSD Arzúa-CF Cire Melide.

O calendario xuvenil sufriu modificacións, + info na páxina da , Federación Galega de Fútbol

ESPECIAL
Deixovos uns enlaces onde picando podedes ver o Especial que fixo o diario DxT-Campeón sobre o ascenso do CIRE:
Páxina 1
Páxina 2
Páxina 3
Páxina 4
Páxina 5

Gran victoria dos azuis o domingo en Melide, 4-0, ó Órdes-B, goles de Peque (2), Miki e Charly Cordido. Este sábado xógase o sábado en San Estevo de Abellá ás 17.00 h. Ánimo rapaces a pola victoria¡¡¡

Adicado a Carlos Coego -xogador dos veteranos-.
O lapsus de Santi, na páxina do Cire ó chamalo "Coedo" suscitou unhas risas o pasado sábado nas Cruces. Por certo gañamos 1-2 contra o Merza un equipo cun estilo de xogo transalpino total, os goles azuis foron de Pinche e Elier.
Coedo, Codeso, Nocello, Comedo, Codemo, Colego, etc etc
PD: foto do codeso.

Veteranos e Seniors, os dous equipos, despois da derrota dos Cadetes en Brexo-Lema, que aspiran a subir. A Segunda¡¡¡¡¡¡

Este pasado domingo o Cire de Melide escribiu unha das páxinas máis épicas dos últimos anos da súa historia.
Xogaban os de Melide co líder do grupo IV da 3ª Autonómica, a S.D. Ponte Carreira de Frades que os aventaxaba en catro puntos. E o encontro escomenzou mal para os azuis xa que a Ponte adiantaríase nos primeiros minutos cunha gran xogada individual do seu dianteiro, revolvendose moi ben na área e poñendo o balón lonxe do alcance do gardarredes Perilla. O tanto carreirés era un xerro de auga frío para as aspiracións melidáns que saltou o campo da Chousa atenazado polos nervios. Pero a medida que pasaban os minutos o Cire asentouse no campo e nunha xogada marabillosa de tiraliñas entre Miki, Marck e Jechu acadabase o empate. O Cire non se conformou e seguiu atacando con moita moral, víase que logo iba chegar o segundo. E así foi, nunha xogada individual pola banda esquerda "marca de la casa" de Jechu, canea a varios rivais e frenano na área comenténdolle penalty. O encargado de tirar e transformar a pena máxima foi Fernando. Co 2-1 chegouse o descanso, o partido era dos de antes de moita pelexa no campo e tamén era dos antes no que son as bancadas xa que varios afeccionados fradenses increparon o árbitro e os linieres o remate dos primeiros cuarenta e cinco minutos, tendo incluso que vir a Benémerita. Ó pouco da reanudación veu a xogada desgraciada para o Cire, o nº 10 da PonteCarreria pisa o noso porteiro que reacciona a provocación e é expulsado. Xusto o que o xogador de Frades quería. O panorama vislumbrabase moi negro, xa que tiñamos que xogar toda a segunda parte con dez e sen porteiro suplente, pero ahí foi onde emerxon duas figuras, Fernando ("o gato de Orois") que fixo unha actuación sublime baixo os paus e todo o EQUIPO que estivo moi concentrado e o deixou todo no campo. Despois da expulsión Jechu dispuxo dunha moi boa ocasión que se foi o pau, non entrou, e tocaba sufrir, e sufrimos, con desconto de sete minutos incluído pero ó final gañamos. E a verdade que estes son partidos que fan afección, unha afección que non fallou e acudiu en masa a presenciar o partido e que animou moi ben e levou o equipo en volandas. Moitas gracias por vir¡¡¡, agora a diferencia para acadar o ansiado ascenso é de un punto a falta de cinco xornadas. Quen esteña mais concentrado e teña mais sorte será o que remate primeiro, porque está claro que xunto co Boimorto, a Ponte e o Cire son os mellores equipos desta liga e os mais regulares.
Os partidos que restan son: Cire-Mesía, Sobrado-Cire, Cire-Ordes "B", San Estevo de Abellá-Cire e Cire-Visantoña.
A Ponte quédanlle: Toques-PonteCarreira, PonteCarreira-Oza dos Ríos, Poulo-PonteCarreira, PonteCarreira-Vizoño, e Vilarmaior-PonteCarreira.
No resto de categorías, os Infantís empataron e seguen magnificamente clasificados cun punto de ventaxa sobre o Arzúa, os Cadetes descansaron e estan a un punto de xogar a liguilla de ascenso a Liga Galega Cadete, os xuvenís perderon co Burgo e seguen lonxe dos postos de ascenso, e para rematar os Veteranos colleitaron o cuarto empate consecutivo desta volta no campo do Lamela (Silleda), a un tanto.
Os "mais maiores" están a dous puntos do ascenso a Segunda División.

Partidos do Cire para este fin de semana:
Sábado 1 de Marzo:
INFANTÍS: Ás 10.30 h. no Campo Municipal de Melide: CIRE Melide-E.D.A. Arzúa
Derby de rivalidade onde o Cire Ttentara gañr despois da derrota que lle imprimiran os arzuáns na Castañeda no partido da primeira volta. A este partido o Cire chega séptimo a un punto do sexto que neste caso é o propio Arzúa.
Impresionante a campaña que estan facendo os rapaces de Rubén Lodeiro, novo na categoría, con moitos infantís de primeiro ano, moitos alevíns e coas baixas dos infantís que pasaron a cadetes. Noraboa e a gañar¡¡¡
VETERANOS: Ás 16.30 h. no Campo Municipal de Melide: CIRE Melide-COMERCIAL SANTÁS , os veteranos tentarán resarcirse na casa do empate da semán pasada no campo de Hierros Diego, despois de ir gañando 0-3.
Domingo, 2 de Marzo:
CADETES: Ás 10.30 h. tamén no Campo Municipal de Melide: CIRE Melide-Dorneda. Os cadetes chegan a este partido despois de gañar o domingo pasado á Unión Campestre, polo contundente resultado de 1-10. O rival en teoría é asequible aínda que ven de gañarlle 1-0 ó Arteixo.
SENIORS: Ás 16.30 h. no Campo Municipal de Melide, o partido estrela da xornada é o CIRE Melide-Boimorto C.F, os dous equipos veñen de empatar os seus encontros, son o segundo e o terceiro clasificados na táboa respectivamente. O Cire aventaxa os boimortenses en cinco puntos cun partido menos. Agardemos que haxa unha boa entrada para animar os dous equipos en boa lid e que os puntos queden na casa.
FORZA C.I.R.E¡¡¡¡

Clasificación Seniors e Veteranos 26-2-08

DxT. 26-2-2008

Clasificacións Canteira 26-2-2008

Cuando el balón no quiere entrar.....
Onte domingo o Cire plasmou un gran partido sobor da area do campo do Perillo na urbanización Icaria de Oleiros, pero as deusas da fortuna non estiveron con nos. O Cire fixo un encontro moi serio e saíu polo partido dende o primeiro minuto, non tardarían en chegar as ocasións de Miki, Jechu e Mark entre outros, pero a mala sorte, o porteiro rival (fixo un partidazo) e o longueiro impediron que sumasemos algún tanto. Na segunda metade tamén gozamos de boas oportunidades, dende un rexeite dun defensa perillán dende a mesma liña de meta ata un penal que errou Jechu. O Atlético Perillo gozou da súa ocasión mais clara cando dispuxo dunha pena máxima despois de que o sol lle xogase unha mala pasada a Charly.
Ó final reparto de puntos e a Ponte amplia a cinco a súa ventaxa. Para a semana visita Melide o terceiro clasificado, o Boimorto, o cal lle levamos cinco puntos e temos un partido menos.
O Cire é o equipo menos goleado da categoría (ex-equo coa PonteCarreira), e no que vai de segunda volta só encaixou un tanto. Ánimo rapaces que aínda queda moita liga¡¡¡¡
A alineación foi: Perilla, Luigi, Suso, Charly, Chiqui, Tarrío, Mateo, Fernando, Miki, Jechu e Marck. Saíron na segunda parte: Nacho Pistón e Miguito.
Os xuvenís, moi mermados polas baixas, sucumbiron no feudo do Pastoriza.
Os cadetes golearon o domingo pola mañán á Unión Campestre de Montrove.
Os infantís non poideron traer nada do difícil e grane de dimensións, campo do Arteixo.
E os veteranos empataron a tres tantos, despois de ir gañando 0-3 ós dez minutos de encontro, aínda así seguen en postos de ascenso xa que pincharon os seus perseguidores.

As pegatas do Cire atopanse en calquera sitio, dende portas de bares e comercios, máquinas de tabaco, carpetas escolares, máquinas rexistradoras, portas de tractores, escotes femininos, maleteros dos coches ás horquillas das motos, é a CIREMANÍA:

+ HISTORIA.

Agosto de 1988. Final do Trofeo San Roque.
Arriba de esquerda a dereita: Sando, Albino Junior, Edelmiro, A.García, Jesús Carlos, Pepe do 13, Albino Senior, Benito, Arzúan, Tarazona, Pillado, Arturo (porteiro), Mouriño e Pepe Estilo.
Abaixo de esquerda a dereita: Carlos (de vermello, actual xogador do Toques), Coque Portos, Benito, Gallito, Fernando de Orois, Roca, Choco e Paulos.
Mais abaixo: Mon, Alfonso García, Miliski, Busi, Manolito Quillo, Nanitas, Alfonso "Garrincha" e Pucha.
Camiseta "Meyba" de finais dos oitenta, marca que vestía daquela entre outros ó Barça e o Betis.
Publicidade: Mataderos Albino.